وبالذات لو كان فراق حد بجمال وبراءة ريم
بفكر كل يوم الف مرة ويتملكنى احساس كبير بالندم
ليه لم اتحمل العيش مع امها حتى تتربى ريم امام عينى
هل فعلا فضلت راحتى على مستقبل ابنتى
حيث اننى تركتها للعيش مع من هم ليسوا اهلا لتربيتها
رميتها
كما قيل لى ممن اراد الضغط على للرجوع الى حياتى الزوجية
بالرغم من اعترافهم بصعوبة العيش فى ظل تلك الظروف
ارجع واتذكر ما كان يحدث فى اخر فترة للزواج فاجد تطور الاحداث السريع الذى ما كان يعلم الى اين سيصل الا الله جل فى علاه
والذى كان سريع لدرجة انى ما كنتش ملاحق اصلح ايه ولا ايه
وهو بالتاكيد ما كان سيؤثر بالسلب على ريم ويجعلها فتاة مهتزة نفسياً
تعيش بين اب كان يحاول ان يملك نفسه عند الغضب وحينما شعر بعدم القدرة على الصبر فضل الابتعاد
ووالله ما كان ذلك الا لكى لا يؤثر الجو المشحون بالمشاكل على ريم ونفسيتها
وام سيئة المعشر وعنيدة الى درجة قد تولد الكفر كما يقال فى الامثال ( والعياذ بالله من الكفر )
فقد بدات المشاكل تافهة الى اقصى درجة وانتهت كبيرة جدا الى الدرجة التى تجعل الاستمرار فى الحياة الزوجية مستحيل
كما تجعل فكرة الرجوع مرة اخرى ايضا مستحيلة
حتى ولو كانت النتيجة اننى لن ارى ريم فى الدنيا مرة اخرى
والله ثم والله ما كان الطلاق بمثل ما تم الاتفاق عليه وقبولى بترك كل شئ
الا حفاظا على كرامة ريم من الاهانة والعيش عالة على احد
اللهم يا واحد يا احد
يا فرد ياصمد
يا من لا اله لى غيره ارجوه
ولا رب لى سواك ادعوه
احفظ ريم يا رب من كل سوء
واهدها الى احسن الاخلاق لا يهدى لاحسنها الا انت
ووفقها يارب الى ما تحب وترضى
انك على كل شئ قدير
اللهم ان قدرت لى اللقاء بها فى الدنيا فعجل لى بذلك
واجعله لقاء بر ورحمة لا لقاء شقاء وعذاب
واتن قدرت عدم لقائى بها فى الدنيا فاجمعنى بها فى الفردوس الاعلى بجوار حبيبك المصطفى صلى الله عليه وسلم
اللهم واجعلها احدى زوجاته صلى الله عليه وسلم فى الجنة ياكريم
والحمد لله رب العالمين
هناك 11 تعليقًا:
السلام عليكم ورحمة الله وبركاته
*****************************
" احساس صعب "
بجد هو احساس مش صعب لالا دا احساس بيقتل بجد .
بس لعله خير يا رب ان شاء الله
ربنا يخليلك ريم ويكرمها ويعزها يارب امين ويهدى والدتها يارب باذن الله
ان شاء الله ربنا يجمعكو على الخير دايما يارب وباذن الله ربنا يبارك لك فيها يارب ان شاء الله وربنا يخليهالك ويحميهالك ويهدينا اجمعين اللهم امين
السلام عليكم ورحمة الله بركاته
قد يكون هذا حقا مؤلم ولكن ان امر المؤمن كله خير
وقد قلت ان ما فعلت لاجل ريم ولعله الخير
ولكن ادعو الله ان يجمعك بها بالخير باذن الله
انا مش دارسه قانون ولكن ما اعلمه انه المفروض من حقك تشفها كل اسبوع على الاقل مره
ازاي يحرموك منها مش كفايه كل اسبوع كمان بالاشهر
معلش اسأل محاميك عن هذا الموضوع لعل به فرجا
حاسه بيك بس ساعات البعد بيكون احسن
بس المظلومه الوحيده هى ريم ويمكن لو كنتوا كملتوا كنتوا تتعبوها اكتر اهم شىء تخلى الاحترام بينك وبين مامتها
حزينه اوى
دي اول حاجه بنخسرها احنا كاباء لما بنطلق
استحمل والله صدقني الموضوع حيتحسن مع الوقت
و انا تحت امرك في اي شئ من منطلق اسال مجرب
sama*92
فعلا هو احساس قاتل
ربنا يجمعنى ببنتى
شرفتينى
زهرة التشرين
ربنا يجعلنا جميعا من المؤمنين
بس مبدا انى اشوف بنتى عن طريق المحاكم انا رافضه
على الاقل دلوقتى
مش عارف بحس ان البنت اكبر واعز عندى من انى اشوفها فى قسم شرطة او فى الحزب الوطنى او فى حديقة عامة تحت حراسة مشددة من اهل امها
حزينة
بحاول فعلا يكون فى بينى وبين امها احترام لمصلحة البنت
ولو مش موجود احترام هافضل بعيد احسن حتى لا تهتز نفسية ابنتى
حزينة اوى شرفتينى
اخويا الكبير مطلق
عندى ليك معلومة
اول تدوينة كتبتها كانت مستوحاه من مدونتك
ربنا يصبرنى ويصبرك
كبير ايه يا عم بس لو بالسن صدقني انا صغير سننا
الايميل معاك و المدونه عندك و تليفوني كمان لو حبيت
(هونها لجل تهون يابطل)
مطلق
انا احتفظت بالرقم
هاكلمك ان شاء الله
تحياتى
إرسال تعليق